TVB豬年洗腦賀年歌被網民狠批唔啱音　TVB：睇片都係為開心

每到農曆新年，大家總避不過被賀年歌洗腦。今年TVB推出全新賀年歌「熱熱鬧鬧過新年！」，由新年特備節目《阿爺賀歲攻略》主持包括李家鼎、譚玉瑛、森美、麥美恩、吳若希等人主唱，舊曲新詞但歌詞音準全錯，被網民狠批有如校歌和教會歌曲。

農曆新年一到，電視總會播著各種賀年節目和恭賀新春的廣告，其中最洗腦的定必是從小聽到大的賀年歌曲。

TVB今年請來《阿爺廚房》為新年推出、於2月3日播出的賀年特備節目《阿爺賀歲攻略》一眾主持，包括「鐵膽」李家鼎、譚玉瑛，以及客席主持森美、麥美恩、吳若希、丁子朗、杜如風來演唱新推出的賀年歌曲「熱熱鬧鬧過新年！」。

是次歌曲以一貫舊曲新詞手法，採用經典國語賀年歌「恭喜恭喜」的曲調，配上全新填上的廣東話新詞，歌詞根據各主持量身訂造，例如會提到廚藝了得的鼎爺製作了蘿蔔糕、經常被森美嘲笑的麥美恩笑稱不用「攝灶罅」、愛掃貨的杜如風寄望碌爆卡有人找數等抵死歌詞，不過卻被網民狠批「全首歌都唔啱音」！

▲ 抵死歌詞配主持的搞鬼表情，雖錯音但至少歡樂。（影片截圖）

有網民直指歌曲的錯音程度直逼學校與教會：「KO全港啲教會歌同校歌！」又有網民笑謂：「聽完後，覺得技安都唔太差。」

另外，亦有人語帶諷刺謂：「玩味十足、極度業餘、唔講點會知係大台製作。超貼地！」而TVB亦有人在網上回應網民留言謂：「睇片都係為開心啫！」

▲ 有網民讚歌曲「貼地」，配合一般人的唱歌水平。（影片截圖）

足本版歌詞：

今晚團咗年未，食湯丸團圓正，
闔家整齊平安，鼎爺整咗蘿蔔糕。
阿瑛出手煎年糕呀，彈油唔知點算好。
同大家拜個早年，家肥屋潤過肥年，
靚仔有型好似我，未嫁唔使攝灶罅。
Shoppping爆卡有人找數呀，豬年行正桃花運。
乖仔乖女，孝順父母呀，盤滿缽滿，發過豬頭！